Oxirgi yangilanish: 6.10.2026 · Amal qilish boshlangan sana: 1.2.2026
1. Biz kimmiz
KitobGo — onlayn kitob do‘koni mobil ilovasi.
| Operator (ma’lumot egasi) | “AMANBAYEV JASURBEK OLIMJON O‘G‘LI” YaTT ro‘yxatdan o‘tish raqami: 6985950 |
|---|---|
| STIR / INN | 626762785 |
| Manzil | Toshkent sh., Olmozor, Qamarniso ko‘chasi |
| Aloqa | support@kitobgo.com · +998 77 448 80 80 |
Ushbu siyosat KitobGo Android va iOS ilovalariga va kitobgo.com saytiga taalluqli.
2. Qanday ma’lumotlarni yig‘amiz
Biz faqat ilova ishlashi uchun zarur ma’lumotlarni yig‘amiz. Reklama uchun hech narsa yig‘ilmaydi va reklama identifikatori (Advertising ID) umuman ishlatilmaydi.
2.1. Siz o‘zingiz kiritadigan ma’lumotlar
| Ma’lumot | Qachon | Nima uchun |
|---|---|---|
| Telefon raqami | Hisobga kirishda (SMS kod) | Shaxsni tasdiqlash, buyurtma bo‘yicha bog‘lanish |
| Elektron pochta va parol | Email orqali ro‘yxatdan o‘tganda | Hisobga kirish, parolni tiklash |
| Ism-familiya | Ixtiyoriy, profilda | Murojaat qilish, yetkazib berish hujjatlari |
| Yetkazib berish manzili: hudud, tuman, ko‘cha, mo‘ljal | Buyurtma berishda | Buyurtmani yetkazib berish |
| Telefon joylashuvi va xaritadagi yetkazish nuqtasi | Faqat xarita ochilganda yoki «Joylashuvimni ko‘rsatish» bosilganda, ruxsat bersangiz. Fonda kuzatilmaydi | Yetkazish nuqtasini aniqlash. Xaritadagi nuqta buyurtma bilan saqlanadi |
| Qabul qiluvchining ismi va telefoni | Buyurtma berishda | Kuryer bog‘lanishi uchun |
| Buyurtmaga izoh | Ixtiyoriy | Yetkazib berishni aniqlashtirish |
| Sharh: baho, sarlavha, matn | Kitobga sharh yozganda | Sharhni saytda ko‘rsatish |
2.2. Avtomatik yaratiladigan ma’lumotlar
| Ma’lumot | Nima uchun |
|---|---|
| Buyurtmalar tarixi (kitoblar, narx, holat, sana) | Buyurtmani bajarish, buxgalteriya, kafolat |
| To‘lov holati va to‘lov tizimi identifikatori | To‘lovni tasdiqlash |
| Sessiya tokenlari (kirish va yangilash tokeni) | Har safar qayta kirmasligingiz uchun |
| Qurilmaning bildirishnoma tokeni (hisobga kirgan bo‘lsangiz) | Buyurtma holati haqida push yuborish |
| Bildirishnomalar va ularning o‘qilgan holati | Buyurtma holati haqida xabar berish |
Bildirishnomalar (push) Google Firebase Cloud Messaging orqali yuboriladi. Buning uchun Google qurilmangizga bildirishnoma manzilini (token) beradi. Hisobingizga kirgan bo‘lsangiz, token buyurtmalaringiz holati haqida xabar berish uchun hisobingizga bog‘lanadi va hisobdan chiqqaningizda uzib qo‘yiladi; hisobga kirmasangiz, token hisobga bog‘lanmaydi. Yangiliklar va takliflar haqidagi bildirishnomalarni Sozlamalardagi Bildirishnomalar bo‘limida o‘chirishingiz mumkin.
2.3. Nima yig‘ilmaydi
- Kontaktlar, kamera, mikrofon, fayllar, kalendar — hech biri so‘ralmaydi.
- Reklama identifikatori (AD_ID) — ishlatilmaydi.
- Analitika yoki xatoliklarni kuzatish (Firebase Analytics, Crashlytics va h.k.) ulanmagan.
3. Savat va sevimlilar — telefonning o‘zida
Savatingiz va sevimli kitoblaringiz serverga yuborilmaydi, ular faqat telefoningiz xotirasida saqlanadi. Ilovani o‘chirsangiz, ular ham yo‘qoladi.
4. Ma’lumotlaringiz kimga beriladi
Biz ma’lumotlaringizni sotmaymiz va reklama tarmoqlariga bermaymiz. Ular faqat quyidagilarga, faqat kerakli hajmda uzatiladi:
| Kim | Nima uzatiladi | Nima uchun |
|---|---|---|
| Yetkazib berish xizmati / kuryer | Qabul qiluvchining ismi, telefoni, manzili va xaritadagi yetkazish nuqtasi | Buyurtmani yetkazish |
| Yandex (xarita) | Xaritada tanlangan nuqtaning koordinatasi | Nuqtaga mos manzil nomini aniqlash |
| To‘lov tizimlari (Click, Payme) | Buyurtma raqami va summasi | To‘lovni amalga oshirish. Karta ma’lumotlari bizga umuman kelmaydi — ularni to‘lov tizimining o‘z sahifasida kiritasiz |
| Google (Google orqali kirishni tanlasangiz) | Google hisobingizdagi ism va email | Shaxsni tasdiqlash |
| Apple (Apple orqali kirishni tanlasangiz) | Apple bergan identifikator va email | Shaxsni tasdiqlash |
| Vakolatli davlat organlari | Qonun talab qilgan hajmda | Qonuniy talab bo‘yicha |
5. Qancha muddat saqlanadi
| Ma’lumot | Muddat |
|---|---|
| Hisob ma’lumotlari (ism, telefon, email) | Hisob mavjud bo‘lgunicha |
| Manzillar | Siz o‘chirgunizgacha yoki hisob o‘chirilgunicha |
| Buyurtmalar va to‘lov yozuvlari | Hisob o‘chirilgandan keyin ham 5 yil — buxgalteriya va soliq qonunchiligi talabi |
| Sharhlar | Hisob o‘chirilganda anonimlashtiriladi |
| Sessiya tokenlari | Chiqqaningizda darhol o‘chiriladi; yangilash tokeni 30 kun |
| Qurilmaning bildirishnoma tokeni | Hisobdan chiqqaningizda uziladi; 90 kun ishlatilmagan qurilma unutiladi; hisob o‘chirilganda o‘chadi |
6. Sizning huquqlaringiz
Siz quyidagilarga haqlisiz:
- Ko‘rish — qanday ma’lumot saqlanayotganini so‘rash.
- Tuzatish — ism, telefon, manzilni ilovaning o‘zida o‘zgartirish.
- O‘chirish — hisobingizni va unga bog‘liq ma’lumotlarni o‘chirtirish.
- Roziligingizni qaytarib olish — bildirishnomalarni o‘chirish, hisobni yopish.
Hisobni qanday o‘chirasiz
- Ilovada: Profil → Hisobni o‘chirish.
- Yoki ilovasiz: kitobgo.com/account/delete sahifasi orqali.
- Yoki support@kitobgo.com ga hisobingiz telefon raqamidan yozib.
So‘rov 2 ish kunida bajariladi. Buyurtma va to‘lov yozuvlari 5-banddagi muddat davomida saqlanib qoladi — bu qonun talabi, biz undan voz kecha olmaymiz.
7. Xavfsizlik
- Ilova bilan server o‘rtasidagi barcha aloqa HTTPS orqali shifrlanadi.
- Parollar serverda encoder bilan xeshlanadi, ochiq holda saqlanmaydi.
- Sessiya tokenlari telefoningizning boshqa ilovalarga yopiq xotirasida saqlanadi. Tokenlar Google Drive zaxirasiga kirmaydi.
- Bularga qaramay, internet orqali uzatishning 100% xavfsiz usuli yo‘q.
8. O‘zgarishlar
Siyosat o‘zgarsa, yangi tahriri shu sahifada e’lon qilinadi va yuqoridagi sana yangilanadi. Muhim o‘zgarishlar haqida ilovadagi bildirishnoma orqali xabar beramiz.
9. Bog‘lanish
Maxfiylik bo‘yicha savollar: support@kitobgo.com · +998 77 448 80 80 · Toshkent sh., Olmozor, Qamarniso ko‘chasi